About Us

basil leaf

Rogature PK ka aghaz aik khwab aur aik mission ke sath hua hai. Hum Pakistan ke us khittay (South Punjab) se talluq rakhte hain jo apni zarkhez mitti aur Natural Khorak ke hub ke tor par jana jata hai.

Aaj ke jadeed daur mein jahan science ne itni taraqqi kar li hai, wahan ek talkh haqiqat ye bhi hai ke Heart Attack, Diabetes (Sugar) aur Blood Pressure jaisi bimarion ne har ghar ko apni lapait mein le liya hai. Medical research ke mutabiq, hamari bigarti hui sehat ki sab se bari wajah hamara badalta hua tarz-e-khurak hai.

Three children carrying firewood in a vibrant yellow mustard field in rural Nepal.

Bimariyon ki 3 Bari Wajuhat (Major Causes)

Hum ne apne rozmarra ke khane mein aisi cheezein shamil kar li hain jo dekhne mein to “Modern” hain magar sehat ke liye nihayat khatarnak hain:

  1. Market Refined Oil: Chemical aur high temperature par process kiya gaya tel jo hamari dil ki naliyon ko band karta hai aur heart diseases ki sab se bari wajah banta hai.

  2. Wheat (Gandum): Sirf gandum ka had se zyada istemal jism mein Carbohydrates ki miqdar ko barha deta hai, jo Sugar aur motape ka baais banta hai.

  3. Refined Sugar: Safaid cheeni ek aisa meetha zehar hai jo hamare metabolism ko tabah kar deta hai aur jism mein sozish paida karta hai.

heart attack, illness, health, chest pain, cardiology, medicine, myocardial infarction, heart attack, heart attack, heart attack, heart attack, heart attack

Hamare 3 Behtareen Mutabadil (Natural Alternates)

Rogature PK ne in bimarion ke khilaf ek koshish ka aghaz kiya hai. Hum South Punjab ki mitti se hasil shuda khalis aur natural mutabadil faraham karte hain:

  1. Mustard and Canola Oil: Hum refined oil ke bajaye Sarson (Mustard) aur Canola oil ke istemal ko farogh dete hain, jo cholesterol ko control karte hain aur dil ki sehat ke liye behtareen hain.

  2. Multi-Grain Flour: Sirf gandum ke bajaye hum mukhtalif qudrati anaj se tayaar karda Multi-grain atta pesh karte hain. Ye fiber se bharpoor hota hai aur sugar level ko maintain rakhne mein madadgar sabit hota hai.

  3. Jaggery (Gur): Hum refined sugar ke muqablay mein Gur aur qudrati mithaas ke istemal par zor dete hain, jo minerals se bharpoor hone ke sath sath hamare hazme ko bhi durust rakhta hai.

multi grain ata flour, mustard and canola cooking oil

Humara Mission: Back to Nature

Rogature PK ka maqsad nihayat wazay hai: Hum jiddat ke naam par apni aur apni naslon ki sehat ko mazeed kharab hota nahi dekh sakte. Hamara talluq us dharti se hai jahan khalis pan aaj bhi zinda hai. Hum chahte hain ke log dobara fitrat ki taraf lautain aur wahi khalis khurak apnaein jo hamare buzurgon ki tawana zindagi ka raaz thi.

Humara ye safar “Back to Nature” ki ek tehreek hai. Hum chahte hain ke har dastarkhwan par aisi khurak ho jo sirf pait na bhare, balki jism ko shifa aur tawanai bhi de.

file 00000000d0cc720bb73275beb36ccfdc
Search